في الخيال مرة شفته ناداني – الزين عباس عمارة

في الخيال مرة – كلمات الزين عباس عمارة

في الخيال مرّة شفتو ناداني
من بعيد لوّح لي وحيّاني
يا غرام قلبي ويا نعيم عمري


أجمل أيّامي واسعد أحلامي
يوم تعود تاني يوم تعود تاني
لحظة في قربو سعدي وإلهامي
عشت في حبّو كل أيامي


حتى لو فكّر مرّة إتنكّر
بكرة يذكر .. حبه لي يكبر
من بعيد لي بعيد
حبّي ليهو يزيد
لو تناساني
******
مرت الأيّام عمرو ما اتكلم
حتى ما حاول مرّ أو كلّم
ورغم آلامي وظلم أيّامي
سابني في بعدي في الألم وحدي
ورغم حرماني
*******
من حنان قلبي حبّو برويهو
أغلى من عمري بي روحي أفديهو
أغلى من عينيّ حبّو غالي عليّ
يا عوازلي الليلة بس قسيتو عليّ
وقلتو جافاني

استاذي ... دكتور الزين عمارة ده حكايــة تانية خالص
تخيل " عالم نفس " وشاعر....
اقتنيت له كتاب حول سيكلوجية رعاية الطفل
"بعد الدخول لدائرة التوالد" ..
دكتور عمارة مثلكم تماماً يا استاذ فضل
خبرات مدججة ومقننة هاجرت وأفادت .....
ولم يستفيد منها السودان " التــكتح "
خبرات يجب أن تستقطب.... في نداء وطني صادق أمين
الكلمات أعتقد دندن بها أحمد المصطفى " رحمه الله " .. إن لم تخني الذكرة

أما المناداة أو " المناجاة" إذا صحّ تعبيري
فهي حبيسة الشعر السوداني المغنى
عثمان حسين ...
ناداني غرامك ناداني
في ليالي البعد وحياني
يا شريكة روحي ووجداني
ترباس...

لي زمان بنادي ..
للخديدو نادي
ياناس محبوبي ساكت قصد عنادي
البلابل
فى ليل الشجن والشوق ... سألت عليك وناديتك
لقيتك فى السماء نجمة ... لقيتك فى الصفاء نسمة
لقيتك فى الصباء كلمة ... وناجيتك وما رديت
زيدان
بنــادي ...عليك
-
هانت الايام عليك وهان عليك حبى ودادى
كل ماحاولت تبعد كنت بجري عليك ونادى
الشاعرة... نضال الحاج
بنادي عليك يا ريت تسمع
يا سارق حلمي بلاش ترجع
ليه صحيت فيا الاحساس
وسيبت عيني عليك تدمع
بنادي عليك
يا عايش كل يوم قصة
تحب وبعدها تنسي
نسيتني خلاص مابين الناس
وهجرتني وبقيت تقسى
بنادي عليك
ندهت عليك عشان اقولك
قلبي معاك كره ذلك
مشاعري لو في يوم تنداس
هدوس اكيد على قلبك
بنادي عليك
*****
تلك مساحات رحيبة ومريحة في مسيرة الشعر المغنى الصادق
دعوة الأحباب في المنتدى "بعد إذنك" لهم الساحة للإدلاء بماعندهم

خدورة أم بشق كتب:
في الخيال مرة – كلمات الزين عباس عمارة
في الخيال مرّة شفتو ناداني
من بعيد لوّح لي وحيّاني
يا غرام قلبي ويا نعيم عمري

أجمل أيّامي واسعد أحلامي
يوم تعود تاني يوم تعود تاني
لحظة في قربو سعدي وإلهامي
عشت في حبّو كل أيامي

حتى لو فكّر مرّة إتنكّر
بكرة يذكر .. حبه لي يكبر
من بعيد لي بعيد
حبّي ليهو يزيد
لو تناساني
******
مرت الأيّام عمرو ما اتكلم
حتى ما حاول مرّ أو كلّم
ورغم آلامي وظلم أيّامي
سابني في بعدي في الألم وحدي
ورغم حرماني
*******
من حنان قلبي حبّو برويهو
أغلى من عمري بي روحي أفديهو
أغلى من عينيّ حبّو غالي عليّ
يا عوازلي الليلة بس قسيتو عليّ
وقلتو جافاني

لك كل التقدير والتحية ياعم خدورة علي اتحافك لنا في هذه الساحة الوريفة من روائع الكلمات لكبار الشعراء