من أدب الجيش السوداني

وصونا قالوا لينا ..الشردة عيب وشينة
الراجل الش فوق الجمر بمش
ويخلي سمعة زينة
***
وصونا بالصرامة والنخوة والشهامة
العزة في الكرامة
الموت ولا الملامة
يوم المحن تجينا
**
أنحنا من سلالة مابتهرف البخالة
نكمل الرجالة
نقدر الزمالة
ونكرم البجينا
***
كان احرابة جاتنا
تلقانا في ثباتنا
ويسمعن بناتنا
الشردة ماصفاتنا
وخصلة ماها فينا
***
جندينا ضو قبيلة
بتحزم التقيلة
ركز وحيدو ليلة
داوس الفصيلة
جاب العنيد رهينة