ارضا سلاح...شعر حميد

ارضا سلاح
ترحل هموم
تنصان دموم
والبال يرتاح

أرضا سلاح

وينفتح باب الصلاح
ينفرج هم القلوب
تتندى بالامل المباح

ارضا سلاح

يطلع فجر صبح الغلابه
تتمارى أزمان الصحابة
وتلوح بيارق طال طلابه
أرضا سلاح

ايدك معاي
قرب تعال بي جنبي جاي
امسك معاي نبني المهدم
ونزيل ربوب هما مردم

بس لي متين
نحن نتظر الصباح
يات يوم نقوم فجر الصباح
نسمع منادي القوم يقول.
أرضا سلاح
أرضا سلاح

دا الكلام خالتو اقبال احييكى و احى فيكى هذه الوطنية الدافقة يا ام اواب

نديكى شويه من محجوب شريف يا خالتو

ارضا سلاح ارضا سلاح
لونتحد ضد الجماح
نبني الديمقراطية صاح
نبنية صاح وطن البراح
وطنا مجير لامستجير لامستبد لامستباح
ارضا سلاح ارضا سلاح
هذه سيرة ذاتية لها تلك الغويشاية
هجين الدبلة والخاتم ضلالة كم حاجة وحاجة
مثل السترة وهاجة
بختم الدولة لاحوله
باوراقها الثبوتية صبحت في خبر كان
اللي كانت ليها حاجة محتاجة المسيكينة
ماتسالني كم ثمن الغويشاية
بس جاوبني كم ثمن الطمانينة
دخرى الحوبة للقمرية
حبة عيش وقشاية
غويشاية تدسدس فيها وتخبي
يعلم الله وتربي
على كل المحن طافت
من عين الفقر خافت
بس عين الصقر شافت
صقر لابس لبس حربي بختم الدولة
لاحولة
باوراقها الثبوتية وفي هندامها متخبي
صبحت في خبر كان اللي كانت البيها كانت فرحانة المسيكينة
لاتسالني كم ثمن الغويشاية بس
جاوبني كم ثمن الطمانينة
دخري الحوبة للقمرية حبة عيش وقشاية
غويشة مي ومريومة
تماما زى حماماية
لم تعرف لها زوجا ولم تعرف لها تومة
وحيدة وجوه عشاية
بتاتا لم تساسق في الطريق العام ولافي الحلة قوقاية
هي المختوتة لي اليومه
المدسوسة من حفلة
المحروسة من غفلة
المغروسة في الخاطر
المخصوصة لي الممكن يكون باكر
كثير الحمي تتسربل
مسام البيت وتسكن في خيرة النومة
وكم تتعذر القومة ورزقا يقطع الحومة
ككل الناس نتم الناقصة بالموية
وتبقى السترة عشاية
غويشة السترة والحوبة
من تعب التي ظلت ترتق
بالصبر توبه
تفتق وردة السترة التبتق في بنياتها
وتعتق ذكرى حبوبة
غويشاية وفر من سكرة وشاهيا
وفر من كسرتا وزيتا
وكم من باقي ماهية
يشيلها السوق كماهي
فلاسكة رفاهية
ولاحتة قماشايا
تساسق مكتبا وبيتا
كما كل الافندية حبيبة فول وعيشايا
تساهر ابرتا وخيتا
مكنتا من زمن ياما تحت الدامة دوارة
وكل زرارة نوارة تفرهد في قماشايا
تخليه القديم لنجي
ويبقى المافي من مافي
ويبقى البلدي افرنجي
تقول الزلة حاشايا
اما العبدلله اما العبدلله
زوجا ليس باللاهي
قلبي الجمرة واطيها
وماني محلفا ساهي
ولامتملقا احدا ولامتعلقا ابدا
باموال ولاجاه
طول العمر ماهية بقت حزمة معاشايا
اخيرا اصبحت ورقة
مابتسد فرد فرقة
المنديل تمن طرقة وفي الصقر ان وقع
كثر البتابت عيب ضرة ودرقة
لذلك يارضا نفسي
حزمت الامر من اول مامن خوف بنتحول
ولابجوع بنتسول واكيد عمر الكلام اطول
قصير العمر لوطول
احب الكلمة لوحرة
احب السترة لو مرة
اعاف الشينة لودرة
احب العفة بنت امي حليب السترة في فمي
دبيب النملة في دمي
وقت تلقالاقشاية تجرى جريا واباريها
وماتضل طريق الصف للمخزن
ولم تاذن لنفسها تنفرد بيها
ولن تاذن ولم تحزن على ذلك ولن تحزن
وبعض البعض قد ذهبوا
الى من عنده الذهب
وبعض البعض قد مالوا
الى من عنده المال
ولكن من ستر حاله يمين الله قد نهبو ا
الاما اشرف النملة الاما اشرف النملة
تبا للضمير لمن يصير خملة
فيالصا حكوميا بختم الدولة لاحول
باوراقها الثبوتية وكل ملابس الحملة
عمل عملة عمل عملة
وللابداع بقية

أحي فيكما هذه الروح الوطنية ..ونأمل سودنا أن يظل آمن وتضع الحرب أوزراها

قصير العمر لوطول
احب الكلمة لوحرة
احب السترة لو مرة
اعاف الشينة لودرة

تسلموعمو ومحمد

يا جماعة الخير

استاذه اقبال

فيصل المحراشي

ود النوية المتسبب

ياجماعة ما تحولو لينا مكان الشعر والدوبيت والغناء لساحة تابعة

للدفاع الشعبي..

كرهنا المنتدى السياسي بسبب الحروب والاغتيالات والتصفيات والسلاح

والمعارك والخروج على القانون..وعاوزين نرتاح هنا... يا اقبال

يابتي وين روضة الحاج .وين سعادة عبد الرحمن؟؟؟ وين الشعر الجميل..

فيصل خليل المحراشي عملت ايه مع ود عشمان والجبالي؟؟

ياود نوية ليه ساكت عن فضائح المنتخب ومكابرات الغزال وفرفراته

الاخيرة..

على العموم يا استاذة اقبال واستاذ فيصل وود نوية ركزوا هذه

الايام على الكتابة عن عيد الاستقلال ولكم اجمل تحية

عمو مساء الخير

عمو الانسان تصنعه البيئة التى يعيش فيها

انت عايش فى مكة المكرمة و بالتالى تبحث عن الجمال و نحن بطبيعة الحال نعيش فى كوع المنقو و أم دحيليب

و الفيوض و ويرني و خور الدليب و و بالتالى ثقافتنا كلها حروب قتل و تشريد و معسكرات نازحين

على كل متعسفين شديد و من بكرة خليك معانا او خليك بالبيت

اما بخصوص موضوع سيئ الزكر ودعشمان فالجماعة جاهزين و معسكرين فى المقر الدائم للمعسكرات فى سوبا

( عفوا دا المحل الوحيد الذى اشتطعنا ان نقيم فيه المعسكر )

تحايا

شكراً أستاذنا محمود تعجبني جداً أسألتك فمحواها دائماً عميق
بالفعل ملّينا الحروب والإغتيالات و"النفيخ" الإعلامي الكاذب الذي يغشانا صباحاً ومساءاً ..نأمل زوال كل هذه البلاوي وينعم سودانا أمناً وسلاماً وحريةً

ارضا سلاح...شعر حميد

ارضا سلاح...شعر حميد

رد: ارضا سلاح...شعر حميد

رد: ارضا سلاح...شعر حميد

رد: ارضا سلاح...شعر حميد

رد: ارضا سلاح...شعر حميد

رد: ارضا سلاح...شعر حميد

رد: ارضا سلاح...شعر حميد