بناديها -الى محمود منصور

تمرد عزيزنا محمود على السياسة و الرياضة و الاجتماع و الاقتصاد و انحاز بطبيعة الحال الى موهبته التى لم

تتفجر بعد و معروف عنه حسه الفنى العالى منذ نعومة اظافره

نهديك هذا النص عساه ان يشفع لنا هترشاتنا فى الرياضى و السياسى المملة و نعتزر عن حدة التعاطى مع القضايا

لك العتبى

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا

تحية مليونية استاذي فيصل

وبكل صدق وامانة احلى هدية ومن احلى واحد..تسلم يارائع يا المعودنا دائما على الروائع..

شايفك اليومين ديل تركت ود عشمان وقبلت على ازهري.. وابوهريرة ده كلمو قول ليه محمود بقول ليك حتى الان ليهو اربع اشهر ودخل الان في الشهر الخامس منتظر تلفون من ازهري....

تحياتي

شكراً يا رقيق علي الذائقة الفنية الرائعة..هذي احدي الروائع الخالدة التي لاتشيخ

بناديها -الى محمود منصور

بناديها -الى محمود منصور

رد: بناديها -الى محمود منصور

رد: بناديها -الى محمود منصور