رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

شاعر الرزيقات

الشاعر احمد تاج الدين شايب الملغب بام شحاح الضل

التومة الموت ولا الاهانه

فى ارضنا عرضنا لازم يتحدد
خلاص بلينا الزعف لرقع المقدد
خلينا التحنس شغلنا اصبح جد
واهم شيئ ترسيم حدود الحد
حدود الرزيقات موتنا فيها كمد
والبخالف الامر ينضرب بدون رد
جميع القبايل لى تاريخ النبى تشهد
امضحية ادت دورها تمام والخطيرة ام احمد
لو قلت المحاميد خيلهم لسع ماشدت
المرحال الغربى النوايبة استعدت
النوايبة اصبروا القبيلة ما ردت
المهرية كم كروزر عدت
يارب تهون النار خلاص بقت
دا غير المنتظر الحرب بقى جدت
هوى يا قبايل الرزيــقى ما بالهدد
عام الفين وعشرة اليوم خلاص جد
كلما نفتح الطريق نلقاه انسدا
الدر دخل موية بغادى ما عدا
الجفا اصبح كتير بين الاحبة
البخت العشرة نقول لى ابا
واى قليل ادب عضمة ينكدا
لو هو زمال بنبقى شعبه
يوم ناظرنا نضم منو العليه ردا
فى دار الرزيقات شنو التانى جدا
بس الناظر يقوم يورينا ردة
الرهيفة يارب انشاء الله تنقدا

انحنا الرزيقات الدواس بندورة ومن سياد شروره
ويشهد التاريخ من اهل القبورا
نا ظرنا بحر وفايت رجولة
والناس بقو جاهزين لو بقت الضرورة
صحيح ضرب المثل الشينة منكورة
والجيرة بتتلف لو بهذه الصوره
قعدتوا تطلعوا الكلام الشين من المطمورة
وهاهو الكلام النحنا بندورا
لو الغدر وقع الارادة مجعولة
ابو يما كملان دا حظ الصقورا
ما بنقبل اى قبيلة مجهوله
غصبا تحترم لو كانت مجبورة
كيف يرتع الحمام مكان الصقورا
والاغلف ما بلعب فى مكان الطهوره

فى غابة الاسد ممنوع نبيح الكلب
خلوا بالكم يا ايها الشعب
قابل شهر الحرب ديل ايام التعب
التدريب والناقص يمشى يتدرب
الواقف داك ابليس فى نار الحرب
قراب الهدف هم قبائل العرب
الكلام السرى رجع خلاص اتسرب
مصيرنا السلاح والجاب المجرب
مثلل قالوا الناس البرقصوا بلعب بطلت
فى نارا تذيد فيها الحطب
بضرب ليكوا مثل ماتقولوا كذب
بوجود اب شنب كيف يلعب ابو ضنب
فى ارضنا الوطن مافى قلة ادب
البدور السلام نقول لى مرحب
والعوز الخراب نقول لى الطريق انسد
السودان طاهره منو الفيها فسد
مافى اختلاف حديثنا موحد
هذا كلام مليان ما بيحتاج لى شهادا

بسم الله وبه نستعين
سميت وعوز من الشياطين
بغنى فى الزول البداية حرفو ميم
لو ادونى الاختييار بكون من المتانين
عشان البنية دقلة خيت حامدين
يالله ياكريم ارحم المسكين عشان نفك الحزن ونكون مرتاحين

مع شعر البنجوس

الليلة الغرام خليته ما خلانا
سافرنا البحير ركب البواخر جانا
واى سافرنا البلد زرنا حبانا
زرعنا الارض وشفنا اركانا
منظر حارنه ما لاقانا
بطراكى هجيعة ليل خدودك نديانة
عيونك واعية ما نعسانة
يا امخشيما تترون بعد الصيانة
وين يا جاهلة امنتك امانة
ما حرام عليك يا حبيبى كيف تنسانا
رىدك شاغل فؤادى
بابورو مدور ومعوقد نىرانة
دبوقة حارنة بالسمن تريانه
تعرفى دموع الشوق من الفراق حزنانه
يا قلبى ماتشرك يا روحى راجعى نفسك ما تكونى غلطانة

مع الهداى عمر خير الله -البنجوس

سآلت منك لي قالو ما بتجى
ورونى للدريب الليها مودى
يالنواره يا نوارة الشتى
امجدولا ساقيه
ام حراسا ما بنوم لما الصباح يجى
قاعد بعاين ليك تقيلة فوق المشى
سحية من عيون الناس تختشى
ام رقبتا لينة بالضهب تنملى
البطن الجابت الحرة مضمونة من كل شى
انا عايش وهم حاكيت قمارى اليل ذايد بكى
راكبة سديس البار البى المراحيل جارى
اب جرسا بلالى
واى مالك يا قليب لو تدرى بحالى
واى الدنيا ما بتنكاد والحزن ماجيب شى
انحنا مع الفايتين مكتوبة لينا بحكم ربى
واى ماتنسينى يا نوارة عقلى
العيون سواد الليل يا امقرنا شارب السمن مندى
يا امبوه صيدت الصوة تتفدع فوق المشى
مالك يا مجافى زايد الدموع بكى
صغير الديد بابو ما عارف بمشى
شيلى يا والدة ما يبكى
الزي انا مشتهى قمير الليل فوق النجوم بضوى

مشتاق انا قليبى عايش فى وهم
عمره اثناشر فوق الدروس بتعلم
يا حسارا فوق قليبى
اللم بى قلم العزاب يا اخوانا فوق قليبى رسم
وى جليد البلوم حرير سجادة جايبنا من الحرم
خضرة البلوم خضرة الرفع السراب وريه متمم
واى سماحك يالبلوم فى البنات معدوم
واي يالبلوم بالليل ما بنوم النوم على محروم
اصبر ياقلبى من فراق ام كلتومالمولى علينا حكم
امشى يا بلوم واتقدل فى اخر اليوم
الما شاف البلوم فى حياتة مظلوم
وى كلموا البلوم فى اسبابو خلاص انا بقيت محروم
واى نهيد يادابة حكر قام خشيم البلو براق الضلام
واى البلوم شيل السلام لام كلتوم
مشتاق انا حار على فراق اليم

شركة النور الفى القلوب ولاعة
بطراكى ياتومتى يا امعينا بيضة ساعة
يا اهلا تاركين الزراعة
عاقلة فوق البيت ماكى زواعة
سندات الادخار بزعيك فى الازاعة
توتو كورة للكيشة ما وقاعة
حنونة فوق الليل تداعى
الكوتة غالية والله انتى بضاعة
اوهمتينى لى ساعة واقف من دون شحاعة
يا بكيرة رفاعة الما ضاقت رضاعة
يا ام كلمتا للبنات مسموعة
يا امعشوقا جن وسالن دموعه
وى ما بعلم يوم قالو لى مدفوعة
ام نغيما كيف الموسيقى المقطوعة
كفارا انشاء الله شفاعىة
ام بيتا دردرو و بجوه له الشماعة
طير يا بلوم ودى السلام بالراحة
المنقول جنوب شايل قلوب جماعة
نونو فوق البياحة مربوعة جلوجى مساحة
وى فقيرى اكتب لى بخاف عليها من العين الرواقة
يالحميرة نارك ولاعة جننتينى والباقى لى نص ساعة