سؤال للاستاذ محمود منصور / ممنوع قراءة البوست

الاستاذ الغالي محمود ..

ياخ كيف اقدر انزل صور في المنتدي .. حاولت مرارا و تكرارا و فشلت ..

اسمع اوع تمشي تفضحني امام العالم و تقول ود عشمان زول متخلف و كده .. حاول اشرح خطوه .. خطوه و بصوره مبسطة و بالعربي البسيط لان انت بعد مرات بتحب الفلسفه .. ما تمشي كمان تشرج لينا بعربي خدوره و ازهري و الفاتح الما بنفهم داك .. نحن ناس علي قدر حالنا ..

تحياتي و اشكرك بحراره ..

ودعشمان تحياتي .........
والله انا عندي نفس المشكلة و ماقادر اعمل الحركة دي....... كويس انك فتحت الموضوع
ياعم محمود جيب طبشيرتك و ابدا الحصة

هب

تارى عمو بتاع اللوارى ما هين

ناس لندن دايرين خبراتو

عفيت منك يا عمو

كده وريهو

الاستاذ ود عشمان

الدكتور مرتضى

هذا مقطع فديو يشرح شرحا مبسطا عن كيفية نقل صورة من صحيفة او مجلة او منتدى الى منتدى اخر
او موضوع كامل يحتوي على صور تود نقله الى المنتدى.. وطبعا انا عارف ود عشمان ما بفهم اللغة العربية الفصحى عشان كده بحاول ان اشرح له بالعامية او الانجليزية الدراب التي يتحدث بها ود عشمان وهي في النحو والصرف والبلاغة تشابه عربي جوبا..

اولا/ حدد الصورة التي تريد نقلها

ثانيا/ اضغط على الماوس او على الزر الايمن للماوس

ثالثا/ احتار ((نسخ ))من القائمة التي تظهر عندما تضغط بالماوس عل الصورة

رابعا/ اذهب الى المكان الذي تريد نقل او نسخ الصورة اليه

خامسا/ قم يتغيير نافذة الارسال التي ترسل منها وتكتب عليها دائما بالضغط على حرف(A)

سادسا/ اضغط على الماةس منخلال الزر الايمن بعد تغيير نافذة الارسال واختار(( لصق)) من القائمة

هنا ستظهر عندك الصورة التي تود نقلها الى المنتدى ويمكن ان تتحكم في حجم الصورة لان الصورة الكبيرة ستحدث اضطراب في توازن البوست ويمكن ذلك بالضغط على الصورة بعد ظهورها ومن ثم التحكم في حجمها من خلال العلامات التي تظهر حول الصورة

ونافذه الارسال عندما تكون نشطة يظهر لك ذلك من خلال الحرفA الطاهر في مبربع الادوات اعلى نافذه الارسال ..وفي حالة عدم نشاطه يستحدم للكتابة ونقل المواضيع والردود والمداخلات التي لا تحتوي على صور

الزعيم غريق
انت قايل ناس لندن ديل يعني بفهمو احسن مننا؟؟؟
وبعدين لندن دي زي حلة سمبو

مرتضى عبدالعظيم عبدالماجد كتب:ودعشمان تحياتي .........
والله انا عندي نفس المشكلة و ماقادر اعمل الحركة دي....... كويس انك فتحت الموضوع
ياعم محمود جيب طبشيرتك و ابدا الحصة

العزيز مرتضي عبدالعظيم

لك التحية و الاحترام و رمضان كريم ..

طبعا الاخ محمود ممكن يوصل لينا الفكره لكن تأكد ح يفضحنا امام جمهور الاولمبياد ..

شكرا علي المداخله ..

لك التقدير

غريق كمبال كتب:هب

تارى عمو بتاع اللوارى ما هين

ناس لندن دايرين خبراتو

عفيت منك يا عمو

كده وريهو

الزعيم غريق ..

صحبك ابو كوارو نجيض لكن بلباص احيانا .. لكن في رأيك محمود دا لو ادينا مراح غنم بقدر بسرح بيه ..

محمود منصور محمد علي كتب:

الاستاذ ود عشمان

الدكتور مرتضى

هذا مقطع فديو يشرح شرحا مبسطا عن كيفية نقل صورة من صحيفة او مجلة او منتدى الى منتدى اخر
او موضوع كامل يحتوي على صور تود نقله الى المنتدى.. وطبعا انا عارف ود عشمان ما بفهم اللغة العربية الفصحى عشان كده بحاول ان اشرح له بالعامية او الانجليزية الدراب التي يتحدث بها ود عشمان وهي في النحو والصرف والبلاغة تشابه عربي جوبا..

اولا/ حدد الصورة التي تريد نقلها

ثانيا/ اضغط على الماوس او على الزر الايمن للماوس

ثالثا/ احتار ((نسخ ))من القائمة التي تظهر عندما تضغط بالماوس عل الصورة

رابعا/ اذهب الى المكان الذي تريد نقل او نسخ الصورة اليه

خامسا/ قم يتغيير نافذة الارسال التي ترسل منها وتكتب عليها دائما بالضغط على حرف(A)

سادسا/ اضغط على الماةس منخلال الزر الايمن بعد تغيير نافذة الارسال واختار(( لصق)) من القائمة

هنا ستظهر عندك الصورة التي تود نقلها الى المنتدى ويمكن ان تتحكم في حجم الصورة لان الصورة الكبيرة ستحدث اضطراب في توازن البوست ويمكن ذلك بالضغط على الصورة بعد ظهورها ومن ثم التحكم في حجمها من خلال العلامات التي تظهر حول الصورة

ونافذه الارسال عندما تكون نشطة يظهر لك ذلك من خلال الحرفA الطاهر في مبربع الادوات اعلى نافذه الارسال ..وفي حالة عدم نشاطه يستحدم للكتابة ونقل المواضيع والردود والمداخلات التي لا تحتوي على صور

الزعيم غريق
انت قايل ناس لندن ديل يعني بفهمو احسن مننا؟؟؟
وبعدين لندن دي زي حلة سمبو

الاستاذ الفاضل محمود منصور

لك التحية و الاحترام ..

يعني اول مره تقدم عمل يرضي طموح الجميع منذ تسجيل دخولك في منتدي مدينة ابوجبيهة ( ام 33 بيت ) انا اخوي حسن زار ابوجبيهه و قال لي الحقيقة ووراني عدد البيوت الفيها .. بالمناسبة عندما شاهدت مقطع الفديو توقعت السياره تكون بتاعت ابوهريره ..

شكرا يا رائع علي توصيل المعلومه المطلوبه .. و بهذه المناسبة تم التصديق لك بقطعة ارض ناصيه 650 متر في مدينة ام برمبيطة العريقة الرجاء استلام اوراق القطعة من السيد احمد كوكو بالرياض .. اما بالنسبة لبطاقة السكر التيمونية سوف ينظر في امرها قريب جدا و لا همك ..