جافوني الأحباب كلمات : عبد الرحمن الريح

يا سلااام يا خدورة .... لك التحية ....


أصلو الغزال من طبعو من كل شئ هواب !!!؟؟؟

ولشاعر آخر أعتقد الزبير ...... وطبعك فيهو نفرة زي طبع الجدي الجفال !!!؟؟؟     ولا موهيك ؟

بقي شربي من دمعي الما لي خلافو شراب
لا حول من نيرانو أنا منو في استغراب
جامل ولا تكون عامل عن العشق إضراب
أدركني وارحم قلبي يا شادن العمرابff]

رحمك الله الشاعر الملحن المجدد  ايقونة الغناء الجميل عبد الرحمن الريح وقد اكتملت الروعة بصوت الراحل ابوداؤود الذي اضفى على القصيدة بعدا اخر
شكرا استاذنا فضل

حبيبنا عثيمينا ضباح السمينة   أيضاً قال محمد بشير عتيق في ديوانه (أيام صفانا)

فيك الكمـال محصور .....اكظمت كل حسود ... وحسنـك مقامه يسـود  
على كل جيـل فى عصـور
وطرفك لحاظه تريع اسـدا شجاع وهصور
ليك نفرة الغزلان .... مع جبرة الفرسان ..... فى هيبة المنصور

كلمات الشاعر محمد بشير عتيق

لحن وغناء كرومة

ياناعس الاجفان انا من صفاك مسحور
بالله انت ملاك ؟ ولا من حسان الحور
تذرف عيونى بحور اقضى الليالى قيام مابين شوق وهيام
وارعى النجوم فى سحور
وفؤادى آه منحور مقتول بغير سلاح واقول بكل صراح
سببى العيون الحور
فيك الكمال محصور اكظمت كل حسود وحسنك مقامه
يسود على كل جيل فى عصور
وطرفك لحاظه تريع اسدا شجاع وهصور
ليك نفرة الغزلان مع جبرة الفرسان فى هيبة المنصور
أهيف رشيق متبور تتهادى تيه ودلال مابين غرف وظلال
نعمة وترف وحبور
وسهمك على مهبور ايه ذنبى غير هواك انا ياجميل
بهواك من قلبى مامجبور
ياالبى العفاف مشهور
ندك عبير فياح وقوامك المياح
أينع ثمر وزهور
فى حبى دمعى جهور
انا فى دجاك ياليل نجمك بقالى خليل
فارقت نومى دهور
انا لى زمن مأسور
هجرانى ماهماك ياللى قاسى لماك
من طول جفاك محسور
وحياة خديك وجيدك وطريفك المكسور
انا شعرى مابيوفيك مهما ابالغ فيك
منظومى والمنثور

 شكرا استاذ فضل وادعوك ان تسمعها بصوت الفنان عثمان الاطرش الذي ابدع في ادائها ايما ابداع ووضع لها مقدمة جميلة جدا

يا للزوميات

امتلك له ديوان معي بأبي ظبي : اسم الديوان : أيام صفانا وهي نسخة قديمة جداً لها ما يقارب الأربعين عاماً .

من أغانيه الجميلة:
في غفلة رقيبي  - محمد بشير عتيق


سنة 1970م تعود الشاعر ان يزور إحدى السيدات في منزلها كلما حان له ذلك وسمحت الظروف وفي إحدى المرات ذهب إليها كالمعتاد ووجدها تلزم سريرها تشكو من الأنفلونزا ( الأنفلونزا وبس ) فقال ليها وقالت ليه وعندما همَّ بالرحيل قالت له : مافي قصيدة : على طول جات القصيدة دي وهي مجرد حوار برئ بينه وبينها كما وصفه الشاعر في ديوانه . وهذه هي القصة الحقيقة للأغنية كما ذكرت في ديوان أيام صفانا. .

في غفلة رقيبي رُحت أزور حبيبي لقيتهُ شوية حاسي
** ** **
ضاجع في سريره . متوسد وثيره . بين طيات حريرهُ
حَييتُه وجلسْتَ . من حُسنُه إختلستَ . في سِحرُه أنغمستَ
بحديث ( دبلوماسي) قالي نوري ماسي وأحذر إلتماسي
** ** **
قلتلُه في جمالك سحروك ولاَّ مالك ؟ صار ياحبيب لونك
فاتر زي عيونك
قال لي عندي حُمى . وبىَّ صداع آلمَّ
من أثر إنتكاسي . أتعذر نعاسي . ولي يومين أقاسي
** ** *
قلتلُه في وسامتك . وحلاوة إبتسامتك كفارة وسلامتك
والف عزيز كرامتك يالحافظ كرامتك
مهما كُنتَ قاسي . او لى عهدي ناسي . ليك يذداد حماسي

** ** **
قال لي انت عاقل ومافي لزوم تشاغل وانا في روحي شاغل
قلتلُه انت روحي
وانت سبب جروحي
وانت لشعري مُوحي
ياروعة جناسي . ياحُبي الأساسي . يالنسيتني ماني ناسي

ومن أغانيه الحلوة:
ما بنسي ليلة


كلمات الاستاذ: محمد بشير عتيق

ما بنسي ليلة كنا تايهين في سمر
بين الزهور انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي أصوات الْمتَر
اتا يا جميل بي صوت ضميري المستتر
من شعري كم اسمعتك الحان عن وتر
شفت النجوم تنظرنا بي نظرة شذر
لما القمر في أفقه بغيابه اعتذر

صافين عفاف ياحبيبي خالين من قذر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال أراك انا كنت في حيرة و ضجر
اليوم حظيت بلقاك يا ظبي الحجر