اجمل واشهر الطبخات..في الحباك!!!

1.مطيعينه:ويسمي ايضا بويكاب اللبن ويصنع من اللبن والويكاب المصنوع من رماد سيقان السمسم...وقليل من الويكة الساري وله طعم السكر..
2. ويكاب اللوبيا: ويدرش اللوبيا البيضاء وتنقع في ماء وذلك للتخلص من رائحة اللوبيا وفي نفس الوقت التخلص من القشرة الرقيقة لللوبيا..تقطع قطعة بصلة كبيرة ..قطع صغيرة وتوضع في نار هادئة مع اضافة ملعقتان من الزيت...ولا ينتظر حتي تصفر ويضاف الماء واللوبيا..وعند نضوجه يضاف الويكاب في شكل محلول مائي وبالطبع الويكةواخيرا الملح..وبالهناء.
3.اما ويكاب الشرموط فيختلف عن ويكاب اللوبيا في اضافة "كراعين" شرموط بدلاً عن اللوبيا.
4.المرس:وهو عملية تخمير للمصارين وليس كل انواع المصران تعتبر جيده لعمله...


ونواصل

يا جماعة الخير الدنيا صباح.

مواعيد الفطور هنا الساعة 12 و بالشكل دا انا ما حاقدر أصبر اكتر من كدا.

ارجو ان تراعوا مشاعرنا.

تحياتى

يا دكتورة احسان مطيعينة حتى واحدة بجد ما كنت فاكر بنات حى الموظفين بعرفوا حاجات شعبية جدااااااااا(بيئة خالص)لا صراحة رائعة كان مايكون مزاكرة وحفظ ساكت منك ويافيصل انت مشكلتك محلولة يعنى جنبك ومشتهيك كسل منك ساكت لكن نحن اللعبان سال ديل نعمل شنو وربنا ما يحرمنا من ابو مصطفى

ابدأ بيك يا تجاني اخوي ناس كتاااااااااااار قايلين زيك ما بنعرف..بس علمونا من بدري وتصدق انا بعرف اخمر الكول؟ويا ريت اجي السودان وانت موجود وتطلب وننفذ وانت قااااااعد محكر ... اتعلمت الحاجات دي من جدتي لامي وكمان في اكله حلوه شديييييد اسمها "ام تكتلني" ان شاء الله تكون سمعتها بيها؟!!!
**في مرة وانا ممتحنة الشهادة وكنا في المحلج جونا زيارة صباحية
-أ.عبدالوهاب الطيب
ب.فرعون "جدي"
ج.فيصل خليل
ولقوا اختك محكرة في الدوكة..وتبقي فقط للشهادة اسبوعين والجماعة ناقشوا الوالدة في موضوع المذاكرة ولازم ولازم وطبعاً الوالدة بعد ما مشوا قالت لي خلاص رفعناك من خدمة البيت..وكان لازم نكتب القصة باعتبارها شكر للجماعة ديل..
ومشكورين علي المرور ..

"ام تكتلني"
المواد المطلوبة لعمل "ام تكتلني":
1. قرعة عسلية كاملة.
2.عيشريف.
3.عسل نحل.
4.سمسم مطحون او دكوة.
5.ملعقة ملح ناعم.
الطريقة:
-يصنع من عيش الريف بليلة
- يتم سلق القرع بعد تقطيعها لشرائح صغيرة.
- يتم خلط البليلة مع القرع المسلوق بعد هرسه جيدا
-إضافة الدكوة او السمسم المطحون في شكل عجينة
واخيرا يضاف عسل النحل والملح ويتم الخلط بالتحريك المستمر حتي تصبح عجينة متماسكة
وتقدم ساخنة....بالهناء

. قرعة عسلية كاملة ( فهمت انها العسلية المعروف للجميع ) و لكنى فوجئت

بغير ذلك يا احسان.

فعلا ام تكتلنى و فعلا انت بت عجايز.

لك التحية

لك التحية دكتوره احسان علي هذه الاكلات التي نحن في حاجة لها الان بنات الزمن دا ماعارفات حتي العواسة هم زيرو .
بعدين يافيصل من كلمة قرعة دي انا برضوا رأسي مشي علي العسلية الاصلية.
لكم التحايا والاشواق

ماشاء الله عليك يادكتورة ومشكورة على هذه المساهمات الرائعة وحديثك عن المطبخ والاكلات الشعبية يدل على انك بالاضافة الى الشهادة العالية والتفوق الاكاديمي ما شاء الله برضو ست بيت وطباخة ماهرة وجد شهيتينا الاكلات ديك وحقيقة كلامك عن ام تكتلني رجعني لسنوات الطفولة البعيدة حيث كنت انا واخي الاكبر الامين نأكل في ام تكتلني والظاهر في اخر الصحن او الكورة حصل قلع فما كان منه الا ان ضربني بالكمشة او المعلقة التي كانت في يده مما احدث لي جرجا في مقدمة الجبهة لازالت اثاره باقية حتى هذه اللحظة مما نال بعده علقة ساخنة من الوالده رحمها الله يعني بالجد كادت ام تكتلني ان تقتلني. طبعا انا ما اكلتها مع العسل وبدل العسل كنا نضيف لها الشطة مع الليمون ويمكن ده الخلا اخونا فيصل يخلط بين العسل والعسلية ويمكن العسلية ماخده اسماها من اللون ولا رايك شنو يافيصل
ويادكتوره ارجو ان تبلغي تحياتي واشواقي للولد الحنون عبد الرازق الحاج والوالده

اخواني الاجلاء..فيصل خليل..زهيرحسن السيد .. الفاتح حسن ابوساره
السلام عليكم جميعا ورحمه منه تغشاكم ...آمين
مشكووورين علي المرور الزاهي الباهي...
***وليكم علي بعد العودة تجيكم دعوات لاكل ام تكتلني "خاصة" ومعاكم اخوي التجاني الطيب الزين...ونسال الله ان يكون ذلك قريب انه سميع مجيب..
***يصل سلامك ان شاء الله اخي ابو السارةوالله يسلمك من كل شر..
تحياتي

ياجماعة كيف الاحوال وشنو الاكلات دى

أسامه أوّل مساهمه جاى مهوّى.
ازيّك يا بشبش

مرحب بالاخ اسامة ...
واتفضل طوالي الاكل جاهز..
***الزول يوم السماية اهلنا بيدعو ليه يقولوا: إن شاء الله شايل اسمه ومن تعليقات الاخوة في الترحيب بيك يا اسامة اخوي قلت في سري اكيييييييييييييد "الزول" شال اسمه
ويا مراحب...
***ابوالسارة سلام..
الحمدلله اخوك ما "كتلك" في عينك وعليك الله مش ام تكتلني سمحة وبتكتل عديييييييييييل..

بسم الله الرحمن الرحيم
اعزائى عوض وأبوالساره
تحياتى واشواقى عساكم طيبين
اخوكم أبو أحمد

لك التحية اسامه باشا (مبروك تاني أحمد هارون ولاشنو)

يا دكتورة ناس فيصل خليل وزهير اختلط عليهم الحابل بالنابل
قرعة العسلية طوالى راسم مشى لمكان تاني انت بريئة منه براءة الذئب من دم يوسف
يا شباب الدكتورة قالت قرعة ما قالت جردل ولا كورة عسلية
والشماردة بيعرفوه ناس كتار في المنتدى عاملين حميل والله يجيبك يا اخوي ول نوية عشان تشوف الدكتورة في شنو وفيصل و..... في شنو اقصد زهير في شنو؟

سلام طارق وتحية للاخ فيصل خليل وخاصة جدا للغالية الدكتوره احسان .
انت عارف انا بتصفح وانا جعان مافطرته حتي لحظة كتابتي هذه لكن شبعت بعد شفتا العصيده .

وعلي فكره تذكرة احلي اكله انا اكلتها في دياركم (ديار اولادحميد) وماظنيت بتعرفها عند اهلهك اولادنصار وهي (ام جرود) عباره عن زلابيه بالحمه ودائما تكون بالكبده والكلاوي مخلوطه مع بعض ...مااحلاها.....

شكرا يا زهير
ام جرود و التكارو كلها اسماء الاكلة التي تقصده ونحن بنعملها كل يوم جمعة بحلة عزابة كان جيت الخرطوم انت معزم عندنا
لكن رايك شنو في قرعة عسلية؟

طارق الصينيه دى صورتها وين 00وكمان يا زهير اولادنصار عندهم العاجكو اكله حلوه جدا 00تعرفوا ام باساه 00والبوسيب

يحكي ان مسافرين توقفوا عند احد المحطات لزوم الاكل وغيره وعند اتخاذهم لمواقعهم في البص ابتغا مواصلة السفر صعد عليهم عسكري: بداء يسالهم وبيده بطانية، (البطانية دي حقت منو فيكم؟)كرر السؤال عدة مرات و لم يجبه احد
فقرر احدهم (مجازفتها)قال للعسكر (دي هقتنا يا جنابو) فطلب العسكري منه مرافقته الي حيث الضابط لتسيمه اياها وعند وصولهم اتتضح انه ملفوف بداخلها بنقوا فصاحبنا المسافر قال للعسكري (يا الله انت قلت البتانيه؟ ولاء البتاريه؟)

فالشباب يا طارق والدكتورة بقصدو عسليه ما عسليه
،،،،، مودتي،،،،،

بالله تاري معانا شييييف بتاع اكلات شعبية ماعارفنو؟ لكن ام تكلتلني دي ماكتلتوها كتلة عجيبة خلاص ماخليتو فيها شغل ؛بسم الله ماشاء الله تسلم الايادي وربنا يكتر شيخاتنا -وانا طبعا كان لقيت ام مطيعينة دي منها مايقيف كلو كلو
دمتم

التحايا للجميع وبمناسبة الاكلات المفضلة اعتقد ان عصيدة المشاريع المعمولة في التنجرا و المكفية فى الشوال وبملاح الويكة او الكجيك في الضحوية دا في زمن الزراعة الاخضر.

اشكر الجميع علي المرور...
وهذه وصفة رهييييييييييييييبة...
اولاً بالتبادي نغسل العرديب ونبله في مويه...
وبعدين نصفي الموية الرايقة ونختها في حلة في النار بتاعت الكانون العملوه في ورشة المحلج بالسيخ السمح داك...بعدين نضيف البصل المحمر والشرموط الناااااعم والطماطم المعجووونه وكمان حبة فلفل وملح ونتركها في نار هاديييييييييية وبعدين نجيب الويكة المسحونه في المرحاكة ونلايقها والنتيجة ملاح نعيمية من غير رووووووووب!!
وبالهنا

الدكتورة صباح الخير
الايام دي الشباب خلو الاكلات الشعبية شغالين لينا كبدة ابل ومشك ونحن بنقول شئيرية
لكن نعد سنتابع وحنقدم ليك طبق تكارو(اكلة شعبية)
نتمنى لك التوفيق

والله خطيره جد ...دكتوره ..
اول مره اسمع ملاح نعيمية بالعرديب ...
حنكون طالبنك كتير كده ...

ابشر اخوي تب ما عندك عوجة

لو بامكانكم دايرين لينا صحن شئيري اول وبعدهااقتراحاتكم ياحليل زمان زمن اللمة في المناسبات ومناولة الصواني من الجيران وغسيل العدة وشراب الجبنة
التحية لكم

تاني حتقول يا حليل امجليلي ويا حليل ود ام سيالا نسوي شنو مع البصات السياحية دي؟

قمة الروعة ... في الطرح الجميل ... ومن صميم واقعنا المعاش ... واسرة المنتدي تناولت هذا الطرح الجميل بالروح الطيبة ... والمداعبات اللطيفة الظريفة ...وهذا ما يدخل البهجة في نفوسنا ... وبالجد اكلات حلوة جداً جدأ ...وشوقتونا ليها ...واسأل الله ان يحفظكم لنا جميعاً ... محبتي ...

المفروك كان باميه ولا ورق ولا ثلج ولا خضرة تتعدد الاشكال والنتيجة واحده "مفروووكة خضراءء
يمكن "فرك" الخضرة "الملوخية" بالكمونية"الجقاجق!" او اللحمة الضاني او اللوبيا البيضاء!وبحب الاخيرة دي شديييد



------------------------------
والعجب كان معاها سلطة وشية وشطيطة

والعجب كان معاها سلطة وشية وشطيطة .........والله يا احسان أختى دا كلام زول متقريف شديد للاكل البلدى..ربنا يسهلها عليكم؟

احسان انا متبرع ليكى بارسال لوبيا بيضاء+شرموط مجفف+سلج مجفف+شطه حمراء جرّكه(بتعطيش الجيم)سودانيه دارفوريه أصليه+مفراكه قصيره عشان تدخل فى الكريتينه وأرسلهم ليكى بDHL عشان نوقف القريفه دى زى ما قال الفاضل.
الله يوفقك يا اخيتى وتجى البلد تلقى الخير راقد

مشكورين للتفاعل مع المفروكة
وشكري الجزيل للاخ عوض السيد علي الهدية اعتبرها وصلت





------------------------------------
ربنا ما يحرمنا منكم

وا شريرررررريّ علي قول الشايقيات

يا جماعه ما عذبتو البنيه دى بالشيّه ودخاخينها........
يا دكتوره ما تخافى انا برسل ليكى تلفونات سوق الناقه.

وحاتك يا عوض السيد اخوي "جننت الراجل" في راسه لمن مشي الجامع وجاب اللحمه وعملناها واكلناها حتي ارتحت
وما يفوتك دكينا المعمل الليلة ما مشينا
ابقي عافية يا اخوانا

بالهناء والشفاء ...وعملتها يا جنابو ...وخاصة ول نوية وعوض السيد ...يعني بالجد كده شوقتونا للشية ....بالجد بوست رائع.... رائع.... محبتي

بالهناء والشفا يا دكتوره.....لكن الدخاخين والشيّه حقات ول نويه أدن دكتور علاء مشوار(ابن كلب)

ياجماعة مالكم علينا باالشواشي والكترابة ذكرتونا البلد,لكم التحية جنابو ول نوية

ونقول آمين ... بس لو جبت معاك خروف انا حأزعل بالجد ...محبتي

لفته بارعه منك ول نويه
مشكور علي احياء البوست

ول نويه تفاحة المنتدى دايما رائع

ول نوية لك التحية...
براح علي ناس الخارج ...
نتمني عودة الجميع ...ونتلمي في الحباك ...وفي جنينة العزيز ...فرعون ...

بعدين يا زهير اخوي كبر لي اختك صحن الاقاشي حقها ودسها بعيييييييييييييد من الجماعة

الليلة صحيت وفي بالي بليلة فريك خضراءءءءءءء ونجيضة وفيها معلقة سمنة وعسل ابيض