نصيحة من أمثال عيال عطية في جيزْة بت اللفيف وأكل التفاتيف

ينصح عيال عطية من ثلاثة أشياء هي : عدم حضور جيزْة ( زواج ) بت اللفيف وهو الشخص المتسرِع الغير رزين ، وراكوبة الخريف ، لأنها لا تحمي صاحبها من البرد والمطر ، وأكل التفاتيف وهي المأكولات التافهة الغير متناسبة مع قدرة البطن على الهضم ، مما يسبب الاسهالات ويجلب الأمراض . فهذه الثالوث احذروه وعيال عطية كلامهم ما بقع تراب .

شكرا ليك يا الجيلى على هذه الروائع من الامثال (الراكوبه فى الخريف وأكل التفاتيف والسفر مع اللفيف حجاريك منهن أقيف)

اخوي الجيلي لك التحية كلها والود واوعدك انني اتجنب بقدر الامكان الراكوبة في الخريف واكل التفاتيف لكنني قد لااستطيع تجنب حضور جيزة بن اللفيف امكن يكون العريس صاحبي فدي سامحنا فيها
اشكرك كتير علي ابداعاتك

حسب علمى ياحيدر هى السفر مع اللفيف وليس جيزت بت اللفيف000هى زاتها زنبها شنو 00عشان ابوها لفيف00لكم ودى

أحبابي وأهلي غريق كمبال الرائع صاحب الحضور المميز ، وحيدر خليل الانسان الخلوق الرزين وصاحب القفشات الجميلة أنتم زادنا في رحلة التواصل والترابط الاجتماعي ودرب المِقْرح هو الدرب المودي لعمق الأهل في أبو جبيهة الرائعة ربنا يخليكم رسلاً للمحبة .

بوست نأمل ان يتواصل ليوثق لامثالنا وحكمنا


نأمل ذلك يا الجيلي اخوي.