ضيف الأسبوع

أخى العزيز محمود منصور...... سامحنى على هذه المفاجأه ولكن فضلت ان ابدأ بك لانك الاكثر حضورا فى المنتدى واكيد بعدك مباشرة قامه من قامات المنتدى.
نأسف للانقطاع ولكن لابأس من العوده.
أرجو اثراء البوست بالمداخلات

ابو ابراهيم

لك شكري وتقديري على هذه التقدمة الطيبة واتمنى ان اكون عند حسن الظن دائما واجيب عن اسئلتكم بدون تكلف وبدون تلميح وبشفافية مطلقة

1/ الاسم :____
2/ الحاله الاجتماعيه:____
3/ الاقامه بالسودان:_____
4/ الاقامه الحاليه:_____
5/ أررقام للتواصل:____
6/ المراحل الدراسيه:_____


****** بدأت فى ابوجبيهه مراحلك الدراسيه وكنت وقتها فى مرحلة تكوين الشخصيه...... ثم انتقلت الاسره بما فيها انت.......ماذا فى رأيك اعطتك ابوجبيهه *******



******** محمود انت تشكل حضور فى هذا المنتدى يستحق الاحترام والتقدير....... تفتكر ماذا ينقصنا لنرتقى بالمنتدى الى الافضل **************


******** فى سطور ******
1_ موقف فى الذاكره
2_ زميل ومعلم فى الذاكره
3_حكمه تؤمن بها
4_ بيت شعر


********* شوية سياسه *******
يامحمود ما سألت فيصل ليه الناس طلعو مظاهرات  وما واصلو رقم الاغتيالات التى حدثت.
******* قالو الناس ديل من ناحية ماشين ماشين........لكن بصعوبه...... رأيك شنو




******** ريااااااااااااااااااااااااااضه ********

أدينا رأيك وقراءتك لمشاركة القمه فى المنافسات الافريقيه القادمه....... هل تفتكر جاهزين





تخريمه****************
شلتك...... برامجك..... أحلى اوقاتك فى ابوجبيهه.

***** محمود بصراحه ليك كم سن فى الغربه ******






*********** كلمه أخيره ******************

الاسم: محمود منصور محمد علي ابراهيم الشيخ خليل

الحالة الاجتماعية: متزوج

الاقامة في السودان: الخرطوم بحري

الاقامة الحالية: مكة المكرمة حي الحفائر

المراجل الدراسية: ا المرحلة لابتادائية في ابوجبيهة الجنوبية ثم اولى متوسطة في ابوجبيهة المتوسطة ثم اكملت المتوسطة في الاميرية2 في الخرطوم بحري حي الدناقلة شمال ثم الثانوية في الخرطوم القديمة ثم معهد الدراسات الاضافية

اعطتني ابوجبيهة الكثير فاعطتني من جمال الطبيعة موهبة الرسم والعناء فانا منذ الطفولة رسام وخطاط وملحن ومغني وكنت مشهور بين الطلاب بموهبة الرسم والغناء واشارك في عمل الوسائل التعليمية واللوحات وشاركت في اول معرض يقام بالمدرسة المتوسطة بمناسبة عيد العلم بلوحات وانا مازلت في المرحلة الابتدائية وكنت محل اشادة كبيرة لكل زوار المعرض

المنتدى لاينقصه شئ غير عدم النشاط والمشغوليات وصعوبة الحياه والمشاكل هي اكبر عائق وتقف في طريق الاعضاء كعقبة وتحرمنا من التواصل المستمر وختى الان نحن افضل من كثير من المنتديات وفي سبيل ان نكون افضل باذن الله

موقف في الذاكرة... لازلت اتذكر عندما ذهبنا الي خور البطحاا ومعي عبد الباقي سحنون وكنت لا اجيد السباحة وغرقت في الخور والعناية الالهية وسرعة جريان الماء انقذتني بان حملتني الى مكان ضحل فخرجت من الماء ومن يومها لم انزل للسباحة حتى الان في أي مكان

كل الزملاء الذين زاملتهم في المرحلة الابتدائية مازالوا يشكلون بالنسبة لي ذكرى جميلة جدا ولا انسى الجيران واولاد الحلة فقد كنا اهل اثر من ان نكون اصدقاء وهذه ميزة في سكان ابوجبيهة

اما عن المظاهرات التي حدثت ولماذا لم تستمر ارى ان عدم وجود شخصية تتمتع بكارزما وتتمتع بشعبية
يجتمع الناس حولها هي السبب الرئيسي... الناس كرهت الوجوه القديمة المطروحة او التي طرحت نفسها على الساحة وتريد ان تستاثر بالسلطة وتسرق ثورة الشباب وتجلس على الكرسي عن طريق تقديم الجثث والدماء قربانا للسلطة.... ليس هناك بديل جاهز ولابد ان نرضى بالامر الواقع حتى ياذن الله في الامر واهل الحجاز عندهم مثل بيقول ( خليك على قردك ما يطلع لك اقرد منو) واخونا فيصل خليل عايش على امل ضعيف جدا وهو الان محبط عشان كده كره المنتدى وكره الفيس بوك وبيفكر في الهجرة الى زمبابوي
والله العظيم المفروض يمنعو كل الفرق السودانية من المشاركات الدولية ... لاننا غير مؤهلين وليس هناك مستوى مشرف نركن اليه والمشاركات الدولية لا تجلب لنا غير الفضائح والماسي والمزيد من الاحباطات

شلتي في ابوجبيهة كانت مكونة من زملاء المرحلة الابتدائية كنا لانفارق بعضنا حتى في الاجازات خاصة اولاد السوق

في ذلك الزمان اخلى برامجنا كانت الرحلات التي نقوم بها مع اولاد الحي الى الجنائن وكنا مجموعة مكونة من بكر محمد بكر ..وعلي و عمر محمد عثمان الناظر ..وابراهيم عبد الرحيم وموسى عبد الرحيم وادم سعيد... وغوض بخاري ..وعبد الباقي سحنون ..واقبال الامير ادم هجام والفاتح محمد حامد والفاتح محمد عثمان نجتمع يوميا في العصريات في ميدان الكورة الذي يقع امام منزلنا مباشرة ونتانس ونضحك بعد ان نكون قد تعبنا من لعب الكورة وكانت هذه بالنسبة لنا وفي تلك الايام احلى الاوقات

بصراحة لي21 سنة في مكة المكرمة لم اخرج من مكة الا في اجازات الى السودان ووجدت فرص عمل في جدة وفي الرياض لكنني فضلت ان اكون في مكة فانا اتمتع بقدسيتها واتمتع بحلاوة شهر رمضان في مكة وحلاوة شهر الحج فيها ويكفي انها مهبط الوخي ومهد الرسالة المحمدية

كلمة اخيرة اشكرك جدا استاذ عوض السيد على الاستضافة واتمنى ان اكون قد اوفيت وفي انتظار اسئلة بقية الاخوة واتركك في رعاية الله واعتذر جدا اذا كانت هناك اخطاء املائية او نحوية لانني لم اراجع ما كتبته لضيق الوقت

ما شاء الله عمو محمود بس ما جاوبت على بعض الحاجات 
وقلت لى ساكن فى الحفائر الزرق ديل من وين للمشوطنات 
ووين زكرياتك فى فطاطات ولا نسيتها 
ههههههههههه

صباحك ورد ابوهريره.
انا نسيت اسأل عمك لمن جاء السعوديه كان عمرو كم لانو قال ليهو 21سنه فى مكه

تمام
يعنى 31 + 21 = 27 سنه
هههههههههههههههههههههههههههههههه

البوست بالجد رائع ....

لكين يا أبو خليل وأبوهريرة لازم تحكوها للآخر ...

منبع الأستاذ محمود عذب ...

ومياهه صافية نقية زلال ... ولا عدمناك .... بوست رائع ...

شكراً أبو الخليل ....

شيل شيلتك يا محمود انا الآن كلمت فيصل وهو جاى فى الطريق.
دى ما عايزه حساب يا ابو الزهور الجمع دا كدا صح 100%

شكرا يا ابو ابراهيم يا رائع
يا عمو
اهم حاجه مازكرتها لينا هى علاقتك بى اولاد امبرامبيطه وبعدين اصدقاءك كلهم من حلة السوق وحلة الانجل ليه اعنى ما عندك صحبان من الحله البيضه والستيبه ولا ايه
تحياتى البوست عسل

سلامات يا عمو
انت عارف يا مونج اليوم كنت فى زياره الى اخونا عبدالباقى على التوم ونحن قاعدين بى مزاج بنتونس فى راكوبة اخونا عبد الباقى الجميله والوقت عصر والجو حباكى رهيب 00

رن هاتف عبد الباقى وكان المتصل هو عمو محمود تعال شوف ليك بى سلام وزكريات وطبعا سلمت على عمو وكانت المفاجـأه ان عمو كان فى سنه رابعه وناس عبد الباقى فى سنه اولى اعنى بالميت كده ممكن يكون دفعت ناس بروف القونى والجماعه بتاعين الجنوبيه ناس زمااااااان

كل سنه وانت طيب يا عمو

عمو غريقو

كل عام وانت بخير وصحة وعافية انت والاسرة وجميع الاخوان

ثانيا انا فعلا دفعة دكتور القوني ودفعة دكتور قيلي واتحداك انت ومونج لوعرفتو دكتور قيلي

المهم كانت فعلا مفاجاه حلوه حين وجدتك مع الاستاذ عبد الباقي علي... المهم الرجل سياتي معك الى العمرة وانا ساكون في انتظارك وماتكلم ابوهريرة عشان مايقوليك جيب لي معاك الجائزة حقتي من محمود

المهم في الامر حلة البيضا دي بتقع وين في ابوجبيهة

تحياتي

هههههههههههه
أولا الحله البيضاء دي حلة ناس الأستاذ عوض السيد وكانت ناصعة البياض مش زي الآن 
وبعدين اهم سؤال أستاذنا نساهو هو علاقتك باللواري وكم عدد اللواري والدفارات التى تملكها 
أما موضوع العمر دا نوم قفا ناس مونج ديل عجايز وعبد الباقى على كبر بالمسئوليات وعشان أووكد ذلك للزعيم انو عبدالباقى على دفعة عماد الباقر وعباس كوكو وعبد العزيز قرن 
وأنا أسقف معك بكل الأدلة والبراهين والمستندات بس رسل الجائزة 
ههههههههه

البوست ده مالو وقف يا ابوابراهيم

شوف لينا ضيف اسبوع جديد

اهلا بالضيف زين ما اخترت صاحب البوست الانيق  نورت استازنا  محمود  منصور



                              عودا حميدا ابو ابراهيم

الحلة البيضاء وتلاتة بيوت وخمسة بيوت وأم شريتي

بتعرف يا محمود دان كنو أو موسى كدنكوني

لاوالله يا استاذ فضل ما بعرفهم وارجو ان تذكرنا اياهم  لكن بعرف امشريتي لانو كناساكنين بالقرب منها وجوار ناس عمنا المرحوم الطاهر منقة

دان كنو .. أجمل أقاشي يمكن تاكلوا في حياتك

يا فيصولي

انا عندما تفتحت مداركي في ابوجبيهة كانت خلة المستشفى مبنية... واتذكر جدا بيت الدكتور كان مميز وجميل مبني على الطراز الانقليزي ولازلت اذكر انو هنك دكتور اسمه قيلي رجل فاضل وطيب.... وكنت اتردد على بيت عمنا عبد الكريم جاد السيد بحكم صداقتي مع المرحوم يحيى ومبارك وازهري ....وكمال ابراهيم الصافي وغيرهم من ابناء هذه الحارة

اما موضوع امشريتي يا استاذ مونج  فقد تم تفريغها في السبعينيات وتم نقل كل سكانها من ابناء دولة الجنوب الى ما بعد خور الضكير... وعندما غادرنا ابوجبيهة تركنا امشريتي ساحة كبيرة فارغة تكسوها الخضرة اليانعة
وبرضو انت يامونج اكبر مني بثلاثة دفعات

تحياتي