منزل الدكتور خليل ابراهيم

مسطول قال لصاحبه :
شنو ياخي

الوالد مما اتوفى بقينا ما بنشوفو ؟

------------------------------



في الحافلة فجأة شريط المسجل وقف المسطول سأل الراكب جنبو:

اسمع يا أخي ود اللمين ده نزل ولاشنو؟
-----------------------------

مسطول جاء داخل بيتهم بالليل....

ابوهو صحي بيه ... وعمل معاهو مشكلة

وطردو من البيت....وقفل الباب....

قام المسطول كتب علي الباب بي فحمة...
منزل الدكتور خليل ابراهيم

------------------------------



قال ليك حلفاوين قاعدين يحضرو مسلسل

والزمن داك ماكان في كهرباء في حلفا
بشغلو االتلفزيون بي بطارية العربيه

المهم المسلسل شغال
والجماعه مندمجين للنهاية

فجأة قطعوا المسلسل للاذان

وانتو عارفين الاذان بجر
واحد فيهم قام بحرقه وقال:

ياهو دا الحيطلع ديــــــــــن البطاريه

------------------------------


واحد رباطابى عندو غنماية خايف عليها من العين

عشان كدة داسيها من الناس اقصد الجيران

لكن بالرغم من كدة فى واحد من الجيران شاف الغنماية

لكن ما اتكلم

بعد فترة الرباطابى قام اشترى ليهو بقرة فرزيان
وطبعا كان خايف شديد

وجا ماشى براحة جنب الحيطة عشان الجيران
قام جارو الكان شاف الغنماية طلع ليهو براحة

وقال ليهو اسمع

بعد ما جبت الهيئة القومية دى

ما تدينا الجنريتر الجوة داك



------------------------------


واحد قام من نومه نص الليل على صوت الجيران بيصرخوا
قالوا في تسمم في خزانات الموية
رجع البيت سألته زوجته:
الحاصل شنو !!
قال ليها مافي حاجة .. أشربي ليك مويـــة ونومي

------------------------------


شايقي ورباطابي مسافرين
الشايقي شايل اكل كتير
بالليل الرباطابي شايل معاهو بطانيه اتغطي


وخلي الشايقي في البرد
الشايقي اتغاظ وقعد يقول:

والله انا عندي قراصه سمحه وفطير مافي زيو وبلح كتير لكن ما جعان

هسي اعمل بيهم شنو
الرباطابي قال ليه:

اعمل بيهم سويتر

------------------------------




واحد قال لمرتو : مساكين بنات لبنان دمرتهم الحروب ..

والله لو كل واحد يأخد واحده يكون اجرو كبير
قالت :

والله المساكين بنات الصومال تلقى اجرهم اعظم



------------------------------

مسطول جاتو فاتورة الموية مليون
قال: اكيد الجماعة ديل

كتبوا مطرة امبارح دي في حسابي

------------------------------


سكران رجع البيت متاخر
مرتو سالتو: وين لي هسي !!
قال ليها: كنت بلعب شطرنج
قالت ليهو: شطرنج شنو وريحتك عرقي
قال ليها:

يعنى عاوزة ريحتي تكون شطرنج !!


------------------------------


مسطول اشترى بي ام دبليو بمواصفات خاصة
فيها الكمبيوتر يصلح كل شي
دقش الباب اليمين


فرد الكمبيوتر:

يا أيها الباب ارجع كما كنت
دقش الباب الشمال

فرد الكمبيوتر:
يا أيها الباب ارجع كما كنت
عجبته الحكاية قام طار بالعربية من فوق الكوبري
فرد الكمبيوتر:

يا أيتها النفس المطمئنة

ارجعي إلى ربك راضية مرضية

ظهر مؤخرا أن أفضل مصدر للحصول على مضادات الأكسدة التي تحول دون إصابة الجسم بالشيخوخة، هى الخضراوات والفاكهة التي لم تتم معالجتها خاصة تلك التي نضجت تحت أشعة الشمس مثل الجوافة والمانجو.
وتحتوي المانجو على نسب عالية من مانع الأكسدة المسمى" quercetin"، فقد أثبتت الأبحاث أن هذه المادة تساهم في مقاومة السرطان كما أنها تساعد في مكافحة أعراض الشيخوخة المبكرة.
ومن جانب آخر، وفيما يتعلق بالجمال، قال خبراء التجميل في ولاية نيويورك الأمريكية أن استخدام بعض الفاكهة مثل المانجو وكذلك الخوخ، الشمام والمشمش يساعد في علاج البشرة العادية والجافة لغناها بفيتامين"أ".
كما يمكن تفتيح البشرة والتخلص من التجاعيد الصغيرة، باستخدام عصير فاكهة طبيعي طازج أو مركز أو مخفف بالماء كعصير البرتقال، الليمون الهندي والأناناس الذي يعمل على إعادة الحيوية والنضارة للبشرة الدهنية، وعصير التفاح الذي يساعد على تماسك الأنسجة وعصير العنب الذي يفيد في تقوية البشرة ويحول دون ترهلها.
لذلك وللمحافظة على البشرة من الشيخوخة وشد البشرة، نعرض عليك وصفة باستخدام قشور المانجو وهى كالتالي:
الطريقة :
عند تقشير حبة المانجو تقشيرات رقيقة لا تقومي برمي القشر، بل ضعيه على وجهك بنفس اللحظة وهو طازج وقومي بذلك أيام متتالية لمدة أسبوع، هذا إن توفرت المانجو يوميا لديك، وواظبي على استعماله إن توفرت لك الفاكهة.
النتيجة:
يقوم بشد البشرة، تصغير مسامات البشرة ذات المسامات الكبيرة، يوم عن يوم يعطي اشراقة للوجه، تخفيف من البقع السوداء.

كلام ممتاز ومفيد خاصه مابعد النكات بس في واحده ياريت تحذفها حقت بطارية السياره هذوليك فيها استهزاء بالدين ومشكـــــــــــــــــــــــــــــور والله

كلام زي العجب ومعلومة مهمة ؛ يعني تاني ناس ابوجبيهة دييل مافي شيخوخة جاياهم وبرضو الاخوات بعدا يخلن استعمال الكريمات

ترويح جميل تشكر عليه
,,,,,,,,,,,,,,,,,,,,,,,,,,,,,,,,,,,,,,,,,,,,, عشت