امثال شعبيه من بلدى

راجل المرتين أرنب بين كلبين

كتر الرمد للعمى وكتر المرض للفنى...يحموك من الشي تاكل ني....يحموك من الليل تفجر

اقبال

كتر الرمد للعمى وكتر المرض للفنى

بالجد كلام جميل

تسلموا

شكراً الاخت ناهد
الذاق عضة الدبيب بخاف من جرت الحبل

ابلاي برقبتو بربطو من صلبو مالو؟

الغير مخدتو غير محبتو

الفاتح اخوي يامبدع اخبارك والعيال وامهم؟ سلم عليهم كتير...اختك لفحت المثل هسي..قلت لي قلت مااتغيرت؟الحمدلله والله...احترامي

تسلموا يا رب من كل بلاء

محمد نويه صدقت يا اخوى دائما البساطه فيها الجمال

خالد عثمان شكرا لك يديك العافيه

اقباااال انتى عاوزه ترسلى رساله ولا ايه اتمنى تصلل بالسلامه

فيصل اذيك ياااااااخى نحنا قاعدين نجيكم فى شارع الحريه

الفاتح بسم الله ما شاءالله مذاكر امثال كويس من الحاجه الوالده وام العيال التحيه لك ولهم

عضم الحوت لا بتبلع ولا بفوت

النيه عكاز سيدها (امدرمانى )

النيه زامله سيدها ( اهلى الغبش )

واقعدوا عافيه

جارك القريب ولا ود أمك البعيد .... قول أكل عليه الدهر

يظل الجار مكان التساؤل الاول عندما يفكر المرؤ بالمنزل الجديد فالجار يكون دائما قبل اية ميزة تفضيلية للمنزل فالجار الذي يخشى الله في اهله وجاره اهم من يكون البيت ناصية او في مواجهة ميدان وتفضيل الجار على اي ميزة ليس اعتباطا فالرسول المصطفى قال في حديثه الشريف ( ما زال جبريل يوصيني بالجار حتى ظننت انه سيورثه ) ولاهل السودان الكثير من الامثلة الشعبية التي تتواءم مع الحديث الشريف مثل (الجار قبل الدار) و(جارك القريب ولا ود امك البعيد ) و( البعد ولا البلاد ام سعد ) وغيرها من الامثال التي تدعونا الى ضرورة حسن اختيار الجيران وتبادل المحبة والتواصل معهم .
وبرغم ان الدين الحنيف قد شدد في الوصاية بالجار الا ان الكثيرين ضربوا بتلك القيم عرض الحائط في وقت اختفت فيه صور التواصل بين الجيران فهل هي هموم الحياة المتزايدة يوما بعد يوم ام هي وفرة التقنيات الحديثة التي اخذت حيزا في حياة الناس هي التي قضت على القرابة الجغرافية لتبرز المقولة ( صباح الخير ياجاري انت في حالك وانا في حالي) ( الصحافة ) بحثت هذا الموضوع للاجابة عن تلك التساؤلات الحاجة فاطمة عبد الله الشيخ لم تخفِ تبرمها على الواقع الجديد وقالت : ( حليل زمن اديني وهاك كيف اصبحتو وكيف امسيتو ؟ ) واضافت ان المعنى الحقيقي الذي كان سائدا للجيرة قد غاب هذه الايام كما غاب الاحترام والنوايا الصافية اضافة الى الطمأنينة في التعامل التي كانت من ابجديات التعامل بين الجيران ولم يعد تفقد احوال الجيران محل اهتمام احد كما غابت المشاركات الاجتماعية في مناسبات الجيران، وفي السابق كان منزل الجار بمثابة المضيفة واشارت الحاجة فاطمة الى العادات التي ظلت سائدة بين الجيران قائلة بانها كانت تتبادل المأكولات مع جاراتها غير انها توقفت عن ارسال الطبق بعد مجئ الجارة الجديدة التي اعادت الطبق مرة اخرى واعتقدت انها قد خبأت لها شيئا بداخل الاكل اي ان الشك والخوف حل محل الطمأنينة والثقة بين الجيران .
عبد الفتاح أحمد عبدون من سكان الشجرة قال ان الابتعاد عن الجار سببه مشاكل الحياة وضغوطها والبحث وراء لقمة العيش وبالتالي فان عدم التواصل مع الجيران غير مقصود واضاف عبدالفتاح انه من المفترض تخصيص ايام العطلات لزيارة الجيران لان الزيارة تؤلف بين قلوب الناس.
سلمى احمد موظفة تسكن احد احياء الخرطوم قالت ان الامثال الشعبية مثل جارك القريب ولا ود امك البعيد وغيرها من الامثال التي شب عليها اهل السودان لا تزل تجري في دمائهم واذا كان هنالك فتور في العلاقات بين الجيران فهذا لا يعني انعدامها واضافت انها عندما تحتاج للجار تجده سواء في السراء او الضراء مشيرة ان العلاقة مع الجار في حالة بيات وسببه مشاغل الحياة وخلصت سلمى الى ضرورة ترتيب الاولويات ووضع الجار في قائمة الاولويات .
عائشة يوسف العباس من سكان مدينة النيل بامدرمان قالت انها تسكن بالمنطقة منذ حوالي خمسة اعوام ولم يأتِ جار الى زيارتها واشارت الى ان بعض الوسائط الاعلامية كالقنوات الفضائية وغيرها من وسائل الترفيه جاءت خصما على العلاقات الاجتماعية و طغت على حقوق الجار خلصت عائشة الى ان التكافل والتعامل مع الجيران ما زال موجودا في الاحياء الشعبية مطالبة ان يسود التعامل الراقي بين الجيران لان الدين المعاملة ولابد من وجود ثقة متبادلة بين الجيران
الباحثه الاجتماعية تهانى محمد احمد النجومى ارجعت البعد عن الجيران الى الظروف الاقتصاديه فهى السبب الرئيسى واحساس الناس بالخصوصيه ودللت (خصوصية القول احفصه في هول ) الحميمية الزايدة للاولاد والاسرة على حساب الجيران وانه لابد من محاضرات تنويرية عن الحميمية في العلاقات ووضع الجار في مقدمة الأولويات.
اما الشيخ عبد الفتاح الجعلي امام مسجد الصحافة قال ان الجيران ليس كما كانوا في السابق اما الآن لا يعرف احد جاره ورجع ذلك الى الدنيا شغلت قلوبهم وملكت افئدتهم ونسوا قول الرسول (ص) لا زال جبريل يوصيني بالجار حتى ظننت انه سيورثه ) ودعا الى اعادة الوئام بين الجيران واعادة الصفاء والتآلف علينا ان نقوي ايماننا لان الايمان يقودنا الى معاملة الجار معاملة حسنة وقال الرسول (ص) من كان يؤمن بالله واليوم الآخر فليكرم جاره ).

عايرة وادوها سوط....كلام القصير مابتسمع الا الحر تحمى...الطشاش في بلد العمى شوف.

يااااااااااه فيصل والله تشكر الله الله

جارك القريب ولا ود امك البعيد

والله الدنيا بخير شاءت الاقدار وفارقنا جيارنا وكنا نبكى بكاء الم وحرقه لانو فى حسابتنا مافى تااانى جار خلاص امى بتقول يا حليل اهلى وجيرانى لكن يا فيصل وابشر بالخير سكنا امتداد ناصر الحى الراقى و الشعبى فى نفس الوقت وجدنا فيه (نعم الجيره ) وحتى الان نحمد الله واقول فعلا حواء والده

فيصل لا تخف ابشر بالخير

خصيمك سهاروا ولا نوموا

خصيمك يبين ليك فى مضغ البليله

المابيك فى الضلام يحدر ليك

الرجال البليله ام حجار

الدليب جداع بعيد

الكلام كن داير تكمله هملو

يا جماعه ..

اقترح الاتي اي زول عندو اي امثال شعبيه ارجو ان يقولها بس يجب ان يذكر سبب مناسبة المثل عشان القارئ يستفيد من ان متي يقال هذا المثل و في اي مناسبة ..

( حسي زي مثل ناهد البتقول فيه ( الكلام كن داير تكمله هملو ) .. من الله خلقني و سرحتي بالبقر و الغنم في الفرقان ما سمعت بمثل زي دا .. و انا اشك ممكن تكون قطعتو من راسها ..

لكم التقدير

الكضب ماعندو عضم بخنق..ودعسمان اقترح نحنا نكتب وانت تفسر ماك ملتقي حجج...احترامي

ما تتقل على امك و ابوك بكرهوك ( مثل شامى )

يا ود عشما انت مالك زول لفيف كى.

المثل فى موجود و يعنى خير الكلام ما قل و دل او بمعنى أخر المختصر المفيد افضل من الثرثرة.

و الله اعلم

شجرة كان هوززت ياأبالي ياهبوباي


تسلمى سومه ما تغيبى امثالك رايعه

شوفوا يا جماعة ..

انا مستعد اشرح ليكم الامثال دي حسب مزاجي و هواي اوعاكم تجو تقولوا لي الشرح دا جبتو من وين ..

لكن شوفو زي مثل سومة بت العمده دا ( شجرة كام هوززت يا أبالي يا هبوباي ) دا يفسرو كيف ؟؟.. يا اخوانا هوي اقول لكم قوله موضوع شرح الامثال دي انسو ..

لكم التقدير

فى الوش حبايب و فى القفا دبايب

( ايه نعومة المخمل ولا عود الصندل )

شكرا يا الحازمى الاصيل ( عود الصندل ) بالجد اضافة حقيقية للنخبة.

نعشم فى الكتير منك يا سيدى

تحياتى

تخريفه:

ود عشمان كدى خلينا من شرح الامثله انت يا اخوى وين اسع؟

قلت ليك سلم على صديقى ( بافيل نيدفيد ) فى التشيك مشيت ليه فى الفريق ولا ما مشيت؟

تحياتى

اخونا عود الصندل والله منور بوست الامثال

شكرا وبالتانى شكرا على الاضافه الجديده المتميزه وحات الله ما قصرت تب

ما تغيب

زهير حسن السيد حمدا على السلامه وبركه الجيت قلت لى يوم عرس اليتم الشهر غنق ههههههههههههه . برافو عليك والله يا زهير الله كريم

ول ابوي حتيله

انا رجعت الان في ادمبيره الاسكوتلنديه .. و بمشي البيت يوم التلاتا ضهر بعد ما البار يسربن اليومين دي الدواس راقد انا حرابي في نايتي راقد ربيطه الدنيا ما معروفه تلده بدون دره ..

في مثل بقول : الدنيا ما معروفه تلد بدون دره .. ناهد اوعاك تقولي دا ما مثل ..

لكم التقدير

عود الصندل كتب:لك التحية اخي فيصل خليل ولك ايضا اختي ناهد. اكثر ماشدني لهذا المنتدي تميزه والنخبة التي اعرف جزء كبير منها والرائعيين الذين لم اعرفهم من قبل. فعلا ابوجبيهة بلد العباقرة وصفوة الاصفياء. لكم مني جميعكم الود والوفاء اتمني انا لا اكون ثقيل عليكم

ولك التحيه انت يا اخى وشكرا على الكلام الجميل ونحسبك واحد منهم وسوف تعرفهم جميعا نحن اهل بيت واحد يعنى المنتدى ده حوشنا الكبير يا راااجل ايه ثقيل عليكم البيت بيتك

ود عشمان كتب:
في مثل بقول : الدنيا ما معروفه تلد بدون دره .. ناهد اوعاك تقولي دا ما مثل ..

لكم التقدير

وين الشرح

الاخ سراقه اهلا ومرحب بيك وجد منور بوست الامثال .

دخل دخله حاميه على العوييييييين مغبون ولا شنو ؟؟؟؟؟

شكرا على المشاركه والمعيار

الاخ سراقه يبدو انك ضليت طريقك الى بوست ( فش الغبينة )

( المره و الحماره و النقاره بلا العصا ما عندهن بصاره ) دا اسمو كلام يا سراقه....

عارف هنا فى برلمان للنساء و منظمات حقوق العيين و كده و انت بالجد فى المحك.

يا اخى شرفتنا كتير و نحنا سعيدين بيك جدا والله

مالك مغبون كده عليك الله.

تحياتى

سراقة حبابك الجابك يجيب عقابك...الفاتح اخوي قالوا البنبح في فراشو الا الكلب..بس ايام الضيافة..بيني وبينك آدم كان دا حالو بنتلاقى...احترامي

الجوع فى الحشا والعرى شماته

الفى بطنو حرقص بغنى وبرقص

الحبل بنقطع محل رقيق

الجمل ما بشوف عوجة رقبتو

خصيمك خاف فوقو الله