امثال شعبيه من بلدى

سلااااااااامااااااات

الشينه منكوره

الماعندو لسان فقرى وفلسان



واقعدوا عافيه

سلامات ماكو طيبين

المثل بقول

الله كن رادك يجيب ليك تمدايه فى بلادك تشرب وتسقى جدادك

واقعدوا عافيه

قـــــــالــــــــوا

الحلفك كتلك والاشتكاك عداك

ابكى لبقول كفاك واشكى لبقول ليك حشاك

العين تبكى المروءه

سلامات يا الرايقين المامضايقين

الراجل املي لي مصرانو وجري من اضانو

الأخت ناهد سلامات

شالت شيلة جليحة فى الحمادى
الحمادى عشب تحبه الابقار. وسميت عليه الحمادى
جليحه هى بقرة
يقصد بة الشخص الذى ياكل اكل شديد وكثير
شالت ـ تعنى أكلت

شافت المك وطلقت راجلها
للمرأة التى تترك راجلها لتبحث عن أخر افضل منه

أحمر منك افهم منك ـ
هذا المثل من دارفور
يعنى ان الرجل الأحمر يفهم افضل منك قد يعنى بالاحمر ـ الخواجى

الحالى لى سرورا ===كفنا جديد وصبيانا برفو رف

قيل هذا المثل فى مقتل الناظر محمد نور عام 1912

غريق كمبال كتب:الحالى لى سرورا ===كفنا جديد وصبيانا برفو رف

قيل هذا المثل فى مقتل الناظر محمد نور عام 1912

سلام الزعيم الحاج عمو غريق تشكر على المرور ولو سمحت احكى لينا قصة المثل

ولك شكرنا

شكرا على مروركم جميعا

اقبال , نويه , يعقوب النو , فيصل خليل

سلامات يا اهلنا هوى

الهم ما كبير شايل فأس بشوفو كل الناس

الما هداه الرحمن تعبان

موت الكتير عيد , وموت الكتيره عرس

واقعدوا عافيه

الجــــــــمره تحــــــــــرق الواطـــــيها

خصـــيمك خـــــــاف فــــــوقا الله

المجـــــــبور بحــــــضر مويــــــــة برودو

واقعدوا عافــــــــيه

شكراً ناهد علي تألقك وأمثالك الجميلة ..انتِ مرجع حقيقة مفروض تعملي ليك كتاب يحوي كل أمثالك دي وسوف يري النور بإذن الله

إبنتي ناهد أنتي جميلة بكل ما فيك .... إحترامي ،،،

وتحياتي الأسرة الكريمة خاصة : ماما وبابا وخالو أسامه...

محمد نوية كتب:شكراً ناهد علي تألقك وأمثالك الجميلة ..انتِ مرجع حقيقة مفروض تعملي ليك كتاب يحوي كل أمثالك دي وسوف يري النور بإذن الله

ول نويه سلامات يا زول ربنا يكرمك شكرا على الكلام الكبار كبار كتاب مره واحده يا اخوى . طبعا اختك شغاله تلقط الامثال دى من هنا ومن هنالك . وكمان ناس المنتدى ما قصروا تب احيوا البوست تقوم فكرتك تخش فى راسى وابدأ انفزها بعدين انت عارف فى ناس هنا متلقين حجج وصلباطين يندرعو فوقى ساى قضايا

عثمان محمد يعقوب شاويش كتب:
إبنتي ناهد أنتي جميلة بكل ما فيك .... إحترامي ،،،

وتحياتي الأسرة الكريمة خاصة : ماما وبابا وخالو أسامه...

عمو شاويش شكرا على المرور وتحياتك تصل بازن الله ولك منا كل التحايا والتقدير . شنو يا عمو ما تبقى مااااارق وعاين للسودان بالعين البايظه .
تحياتى

المثل بقول

كتــــلوك ولا جــــــــوك .

العافــــــيه درجــــــــات .

واقعدوا عافيه

سلام جاااكم
البخش البطن مابغسلو الصابون

الفاتح محمد التوم كتب:

الليل والنهار واحد على العميان,,,,, ، واللوم والشكر واحد على السجمان
ناهد عبيد وين أراضــــيك ؟؟!!

الفاتح محمد توم يطــــول عمــــرك مــــع العــــافيه

سلامى لك ولفاطمه والعيال .

سلام اهلنا المثل بقول


كـــن ســـــلم العــــود اللــــحم بجـــــود .

الجــاتك فى مــــــالك سمــــــــــــــاحتك .

واقعدوا عافيه

الجــوع فى الحشــى والــعرى شمـــــاته .

الـــــرزق مقـــسوم والنــاس تلـــوم .

تدق القراف خلي الجمل ايخاف ( يعنى المذنب ليتعظ الاخر)

jaber abdulsater mohammed كتب:تدق القراف خلي الجمل ايخاف ( يعنى المذنب ليتعظ الاخر)

سلام استاز جابر شكرا على المرور والمشاركه

تق القراف خلى الجمل يخاف ...... كلام كلو حكم

ما تنقطع بالتانى شكرا

المثل بقول


جزى المعــروف عشــــــره كفـــــــوف

واقعدوا عافيه

فيصل خليل حتيلة كتب:

التسوى ناهد فى عمو محمود عند ابوهوريرة تلقاهو

اقعدو عافيه

تولع نيران صديقه وتقول اقعدوا عافيه

المثل بقول
يدى الحله وصى والنقاره عصى

............ مخير الله

ســـــلا مــــــات ...

الما بتموت بلونها الا جدادة الوادى

...................................

اقــــــعدوا عـــــافيه

الصـــقر كــــن وقـــع كـــتر البتابت عـــيب .


واقعدوا عافيه

انا واخيى على ود عمى انا ودعمى على الغريب

خوة قرقر الما بتمرق من الحر

الليله جايب ليكم بعض الامثال الشعبيه التي تتجسد فيها الحكمه مع شرحها وأغلبها تستخدم في كردفان وربما بقية أنحاء الوطن المختلفه.

* القندول الشنكل الريكة
القندول معروف (أما الريكة فهي إناء مصنوع من السعف لحمل قناديل العيش وقت الحصاد غالبا) و أحيانا لحمل أشياء أخرى.
و المثل يعني (القشة التي قصمت ظهر البعير)

* القمرية ما بتعتق التكا
(ما بتعتق يعني ما بتخلي و التكا مكان دق العيش و جمعه)
و المثل يعني أن المحتاج لا ييأس و لا يقطع العشم في الكريم حتى لو لم يكن مع الكريم شئ(فهو برضو راجي منو حاجة)

* الشدر الكبار فوقو الصمغ
( و يعني أن الحكمة عند الناس الكبار)
(الدهن في العتاقي)

* الحسنة في المنعول زي الشرا في القندول
(المنعول أي الملعون) و الشرا هو الأهداب التي تغطي قندول العيش
و يعني المثل ان احسنت للئيم يجحد و ينكر الإحسان بل قد يؤذيك مثلما يؤذي اليدين و الجسم (الشرا)

* جبل الكحل بكملنو المراويد
ويعني أن كل شىء مهما كثر طلما يؤخذ منه( حتى و لو بقدر ما يحمله المرواد فحتما سينتهي

* البلد الما فيها تمساح يقدل فيها الورل
و مثل آخر يقول غاب ابشنيب و لعب ابضنب
و يعني المثل (أن الغوغاء يتطاولون و ينفشون ريشهم في غياب الكبار)

* الفي والدك يقالدك
أي من شابه أباه ما ظلم

* مشت تعزي جات حامل
(يعني المثل: ذهب لحل مشكلة فأتى بمشكلة أكبر)

* حلم الجعان عيش
أي أن كل إنسان يفكر فيما يهمه

* عريان طارد متقشط
محتاج راجيها من محتاج

* كسرة هنا و ملاحها في الريف
و يعني التفكير في أمر قد يكون محال

* أم جركم ما بتاكل خريفين
و في هذا المثل إشارة للكبروالتقدم في السن
مع العلم أن جرادة(ام جركم تعيش لخريف واحد فقط)

* قبورة عاصرة الضرس و أم جركم شايلة النايحة
(يثتأثر البعض بالخير و يتهم به آخرون لم ينالهم من الحب جانب)

* الخيل تجقلب و الشكر لي حماد
و يعني هناك من يقوم بفعل الخير و الشكر لغيره

* لالوبنا و لا تمر الناس
و دا أظنو معروف للكل

* بليلة مباشر و لا ضبيحة مكاشر
و يعني من يلقاك مهللا باسما و يقدم لك (بليلة) احسن من من يلقاك متجهما عابسا و هو يقدم لك ما لذ و طاب
تسلمووووووووووووووووووووووو
وباكر اجمل

ما تحلبها داره (يعنيعدم التفكير في شي وانتاجة لسع بعيد)

تصحيح ليعقوب النو/ جليحة هي البقرة نفسها والحمادي / منطقة الحمادي التي تقع بين الدبيبات والابيض في الطريق الدلنج التي بها اسرة الناظر حماد السوسو وسميت باسمه .كناية على حماد على حسب علمي

ناهد / الشرك كن قبض كتر االبتبات عيب

شكرا ليكم

الحازمى , وجابر

***************************************

سلام جابر انت صاح لكن المثل بختلف شويه من مكان الى اخر يعنى بينى وبينك البئيه لها اثر واليك المقارنه .

الشرك كن قبض كتر البتابت عيب ( هنا فى كمين )

الصقر كن وقع كتر البتابت عيب

رايك شنو ؟؟؟؟؟؟؟؟؟ يا استاد جابر

مثل بقول

موت الكتيره عيد
موت الجماعه عرس


المويه البارده بتقد الدلو

المويه البارده بتحلى الموصه


واقعدوا عافيه

فى مثل بقول

الطشاش فى بلد العمى شوف

زاد الحبان ليهو فريقه

زاد الحبان ليهو بكان

القحة ولاصمت الخشم

Suhad Abduelgfaar كتب:

سلامات عزيزتى ناهد
تسلمى على الامثال وصدقينى انت بالجد بت حبوبات .

(الوحدة ولا الجار الفسّل)
تحياتى

ولكى الف تحيه وسلام

الجار قبل الدار

جارك القريب ولا ود امك البعيد

سلامات

المثل بقول

البلقى الهبوب بضرى

واقعدوا عافيه