رد: امثال شعبيه من بلدى

من طرف **ناهد عبيد** 27th مايو 2013, 11:41

القنطور اصلو التراب

الزول ابو خشما خفيف كن جابك الزيف فى خشم بيتو ما تقيف

ده المثل بقول كده

لكن ياناهد يابتي .....

الفــي القدرة . . . تجـيـبو المغرافــة

القحه ولا صمت الخشم .

وينكم يا ناس المنتدى

كلام والله....... نشكركم عليه

سلاااااامات

الميت ابونا والديه علينا

الدابو وداب نفسو مقصر

ناهد ازيك يا بتي ...............

البغل ســـألوهو أبوك مين ؟؟؟؟؟؟ قال الحصان خالي

الفاتح محمد توم سلامات ليك سلااااااااام كتييييييير ولاسرتك .

....... البغل صاااااااااح الخال والد ولا مو كدى

واقعدوا عافيه

امصلمبيتى ولا كدكاىة زول
ام صلمبويتى هى فأرة صغيرة زى(امسيسى)
كدكاى فأرة كبيرة زى (الجقر)
المثل الإعتزاز بما يملك الانسان حتى لو لم تكن له قيمة.

تلصق طين في رجلين ولا ببقي نعلين

المجد والعظمة والغني والعلم كلها امور لا تأتي عن طريق الاحتيال ولكن بمواجهة المواقف والسعي الجاد والتخطيط السليم حتي يمكن لذوي الطموح الوصول اليه ويحذر المثل من الغش والاحتيال والكسب الغير شرعي.

ماتعضي حلوف وتملا خشمك بصوف

مافي أبقنفوت أملس

شوكاي بسلو بي دربو

عيال أم قطية دنقرهم واحد

راجل كان بقى بحش كلو ولا باكلي مرتو

جخجاخ سنون بجيب الدم

الجفلن خلهن أقرع الواقفات

الأوين نفايل ماهن قبايل

الراجل برجالو والكريم بأم عيالو و المفنقل بسروالو

الديك أجاويدو فراريجو

مساء الخير يعقـــوب ...........

رجعتنا لهذا البوست الجميل ...تحيلتي

***

القفــــــــه ام اضنين بشولوها نفرين

ما تعضى حلوف وتملأ خشمك صوف

شكرا يا ابو السارة على التعليق

(جراداى فى سروال ترا ولا بعضى الا قعادو ما حلو)

(دى بيضاية ام كتيتى كن شلتها بتقتل امك وكن خليتها بتقتل ابوك)

يضرب هذا المثل عندما عندما يصل الناس او الحكماء لطريق مسدود لحل المشكلة اوتكون هناك معضلة يستحيل حلها.

(البقارى دى كان شلتو فى ضهرك بعضيك فى راسك)

يستخدم اهلنا كنانة كثيرا هذا المثل ليعبروا به عن مظالمهم من اصحاب البقر

حكم حجل ولا مال غرق

الحبيب جابــر عوداً حميــــداً ............ صراه ليكم وحشه

يقول المثل

إذا طلعت دقن ولدك احلق دقنك

أي إذا كبر إبنك وأصبح رجلاً ، فلا تستغرب أن يخالفك الرأي ، وأن يعمل دون إستشارتك ، فقد أصبح له رأيه المستقل وشخصيته الخاصة ، وعليك حينها أن تفكر في الأمر ملياً . حتى لا تقع في بعض المشاكل التي تأتي من جراء تصرفات ابنك وعديم التجربة .